Bricomanía blogueira

Pois nada, que como estou con espíritu de obra, decidín tamén aplicarlle unha man de pintura e un bo alicatado ao blog, que xa se vía un pouco sosainas... Non sabía eu que fóra dos deseños predeterminados que ofrece Blogger, había toda unha rede de webs e de xente que crea plantillas diferentes e atractivas, como esta!

Aínda teño pendentes algúns retoques, como eliminar o menú superior (o que pon fotos, perfil, soporte...), que nin funciona nin lle vexo moito xeito... Pero terei que agardar a que chegue de traballar o htmlfalante da casa, porque eu non entendo nada, e a ver se por intentar chapurrealo, vou ocasionar algunha desgracia....